“Agro Dairy” MMC, Azərbaycanda kənd təsərrüfatı sektorunda qabaqcıl şirkətlərdən biri olmaqla, regionlarda sosial və kənd təsərrüfatı infrastrukturunun yaxşılaşdırılması ilə yüksək məhsuldarlıq və onların istehsalında yüksək keyfiyyətə nail olmaq üçün yaradılmışdır. 2014-cü ildən fəaliyyətdə olan şirkətimiz müasir texnologiyalar və innovativ həllər tətbiq etməklə qida təhlükəsizliyini təmin edir.
“Agro Dairy” MMC dənli taxıl bitkilərinin (buğda, darı, qarğıdalı), yem bitkilərinin (yonca) əkini ilə məşğuldur. Bizim əsas məqsədlərimiz - yeni ərazilərin əkin dövriyyəsinə cəlb edilməsi, növbəli əkin sistemi, idxalın yerli istehsalla əvəz edilməsi və intensiv aqrotexnologiyaların tətbiqidir.
Tətbiq olunan texnologiyaya gəldikdə, Agro Dairy ən yüksək standartları hədəf götürür. Biz suvarmadan tutmuş, torpağın şumlanması və məhsul yığımına qədər ən müasir texnikalardan istifadə edirik. Bizim əkin texnologiyamız dəqiqliyi ilə elmin son nailiyyətlərinə cavab verir.
Layihələrimiz Tovuz, Samux və Hacıqabul rayonları olmaqla, 60.000 ha ərazini əhatə edir.
Sərgi zamanı şirkətin istehsal imkanları, həyata keçirilən layihələr və perspektivlər haqqında məlumatla professional ziyarətçilərlə bölüşərək, yeni əlaqələr qurmaq və müştəri bazamızı artırmaq istiqamətində çalışırıq.